Се’ нæниздзинад хъыгдæрд кæмæн у, уыцы сабитæн Дзæуджыхъæуы сарæзтой сфæлдыстадон фестиваль

Сабийæн йе 'нæниздзинад хъыгдæрд куы уа, уæд ыл сфæлдыстад ахады æвдадзы хосау.  Фæцæрдæг вæййы йæ фезмæлд, хъæздыг кæны йæ миддуне дæр. Зонадон чиныгдоны ацыд пайдахæссæг дæсныйадæвдисæн ахуыртæ. Мадзаларазджытæ бирæ зæрдæагайгӕ равдыстытæ бацæттæ кодтой. Лæппутæ базыдтой хъæдæрмæгыл нывæфтыдтæ кæнын æмæ æлыгимæ кусын. Чызджытæ дидинджытæй фæлгонцтæ сарæзтой æмæ фæрдгуытæй фæлындæнтæ сбыдтой. Ахуырты фæзуæттыл уæгъд бынат ссарын зын у. Ам, се 'нæниздзинад хъыгдæрд кæмæн у, уыцы сабитæ æвдисынц, сфæлдыстадæн арæнтæ кæй нæй. Пластилинæй скæнын аргъауы хъайтары ныв, хъазæн, фæлындæн. Куклаты театр «Колобок»-ы дæсныйадæвдисæн ахуырмæ бирæ сывæллæттæ æрбацыд, се 'хсæн — Дарья Прудко дæр. Йæ уарзон хъайтартæ сты Халон æмæ Рувас. Дæсныйадæвдисæн ахуыртæ цæуынц «Ног гæнæнты арвæрдыны» сфæлдыстадон фестивалы фæлгæты. Мадзаларадзджытæ — Фæллой æмæ социалон рæзты министрад æмæ реабилитацион центр «Феникс».  13 фæзуаты æмæ 50 архайæджы: суанг ма ныййарджытæ дæр сцымыдис сты. Специалисттæ куыд зæгъынц, афтæмæй, сфæлдыстад хъыгдæрд æнæниздзинадимæ сабитыл, æвдадзы хосау, ахады. Æмæ сын æй хæлæг кæнæн нæй

Видео Се’ нæниздзинад хъыгдæрд кæмæн у, уыцы сабитæн Дзæуджыхъæуы сарæзтой сфæлдыстадон фестиваль автора IRYSTONTV