Михайловскæ æмæ Ногиры 'хсæн хид ныккалд æхсæвы

Цауы хæдфæстæ бынатмæ æвæстиатæй сæмбæлд республикæйы сæргълæууæг. Сергей Меняйло сæвзæрд уавæрæн аргъ скодта йæхæдæг, уыцы иу рæстæг  сарæзта æнæнхъæлæджы уавæрты къамисы æмбырд. Цӕугӕдон Ногир ӕмӕ Михайловскӕйы 'хсӕн хиды астӕуккаг цӕджындз кӕй ахордта, уый аххосӕй йӕ дыууӕ хайы ӕркалдысты. Хъыгдæрд дзы ничи баййæфта. Нысангонд æрцыд бæрзонд цæттæдзинады фæтк. 100 метры дæргъæн хидæн йæ дыууӕ хайы кæй æркалдысты, уый аххосæй газы хæтæлтæ хъыгдæрд баййæфтой. Аварион службæтæ бынаты куыстой æхсæвыгон. Специалистты бæрæггæнæнтæм гæсгæ, газæй ифтонгад хъæуты урӕд не 'рцыд. Цауы фæстиуджытæн бæстон аргъ скæнын æмæ сæ аиуварс кæнынæн цас рæстæг бахъæудзæн, уый нырма банымаинаг у. Республикæйы прокуратурæ снысан кодта басгæрст. Хъæуты 'хсæн автомобилон бастдзинад ис. Ацæуæн ис "Дзæуджыхъæуы иувæрсты" федералон фæндагыл Алханчурты уылты.

Видео Михайловскæ æмæ Ногиры 'хсæн хид ныккалд æхсæвы автора IRYSTONTV